मङ्गलबार, काठमाडौँ।
संविधानलाई ब्रेललिपिमा अनुवाद गरी दृष्टिविहीन नागरिकलाई निःशुल्क वितरण गर्न माग गर्दै सर्वोच्च अदालतमा रिट दायर गरेका छन् ।
आज मिति २०८१-०८-०४ गते को दिन नेपालको संबिधान २०७२ लाई दृष्टिविहीन नागरिकहरुलाई ब्रेललिपिमा अनुबाद गरि दृष्टिविहीन नागरिकहरूलाई निःशुल्क वितरण गर्नको लागि कानुनको बिधार्थीहरु विवेक चौधरी , रामकृष्ण यादव, प्रधुमन कुमार सिंहले सर्वोच्च अदालतमा रिट निबेदन दायर गरेका छन् । नेपालको संविधान, २०७२ ले मौलिक हकको रुपमा सूचना प्राप्त गर्ने हक (सूचनाको हक) लाई प्रत्याभूत गरेको छ । संविधानको धारा २७ मा स्पष्ट रूपमा उल्लेख छ कि प्रत्येक नागरिकलाई आफ्नो वा सार्वजनिक सरोकारको कुनै पनि विषयको सूचना माग्ने र पाउने हक हुनेछ । यो मौलिक हक कार्यान्वयन गर्न संविधानलाई ब्रेल लिपिमा प्रकाशन गरेर संविधान जस्तो सार्वजनिक सरोकारको विषयको जानकारी दृष्टिविहीन नागरिकहरुले पनि प्राप्त गर्न सक्नेछन् । दृष्टिविहीन नागरिकहरूलाई कानुनी अधिकारहरूको स्वतन्त्र र प्रत्यक्ष पहुँच दिलाउन नै यो रिट निबेदन दायर गरेको हो ।
