काठमाण्डू, ७ माघः अन्तर्राष्ट्रिय पर्यटन मेलामे सहभागिताक लेल नेपाल एसोसिएशन अफ टुर एन्ड ट्राभल एजेन्ट्स (नाट्टा)के टीम स्पेन प्रस्थान केलक अइछ ।
नेपाल पर्यटन बोर्डके सहकार्यमे स्पेनके म्याड्रिडमे जनवरी २२सँ २६ धैर भ रहल अन्तर्राष्ट्रिय ट्राभल ट्रेड फेयर (फितुर)मे सहभागी होएबाक लेल नाट्टाके अध्यक्ष कुमारमणि थपलिया नेतृत्वके टीम आइ भोरमे स्पेन प्रस्थान केलक अइछ ।
उक्त मेलामे नेपालक २५ सँ बेसी ट्राभल, ट्रेकिङ आ होटल व्यवसायसँ ५० सँ बेसी प्रतिनिधि सहभागी होएत नाट्टाके सहकोषाध्यक्ष एवं कार्यक्रमके संयोजक ढकनाथ काफ्ले जानकारी देलैन अइछ ।
नाट्टाके अध्यक्ष थपलिया नेपालक पर्यटन क्षेत्रकेँ विश्वभैरमे प्रसिद्धि लेल एहन मेलासँ सहयोग पहुँचबाक बताैलैन । नेपालमे पर्यटन क्षेत्रके टिकाउ विकाशक लेल एहन कार्यक्रममे निरन्तर सहभागिता आवश्यक रहल हुनकर कहब छैन ।
स्पेनमे भ रहल उक्त अन्तर्राष्ट्रिय मेलामे विश्वभैरके एक लाखसँ बेसी पर्यटकीय उद्योग, व्यवसायी, प्रतिनिधि आ व्यवसाय साझेदारसभक उपस्थिति होएबाक नाट्टा जनौलक अइछ । नेपालक आकर्षक गन्तव्य तथा पर्यटकीय स्रोतकेँ विश्वव्यापी बनाबैत आर्थिक गतिविधिकेँ मजबुत करबाक लेल एहन मेला महत्वपूर्ण भेल अध्यक्ष थपलिया बताैलैन ।
