खजुरा (बाँके), ७ माघः खाद्य व्यवस्था तथा व्यापार कम्पनी लिमिटेड नेपालगञ्ज इ साल बाँके के किसान से ३२ हजार क्विन्टल से जादा धान खरिद किहिस है । कम्पनी दुई महिना के अवधि मा किसान से ऊ धान खरिद किहिस है ।
गय कात्तिक २० गते से किसान के धान खरिद करय लागेक नेपालगञ्ज कार्यालय पुस १९ गते तक दुई महिना के समय अवधि मा ३२ हजार २६ दशमलब ०८ क्विन्टल धान खरिद करेक कार्यालय प्रमुख रामशरण लामिछाने बताइन है ।
गय पुस १९ गते बाद किसान आवयक छोडेक, फोन नकरेक तथा सम्पर्क मा नआए के कारण इ साल बाँके मा धान खरिद कार्य करिब खतम भएक उन बताइन ।
बाँके के किसान पिछले समय मा मोटा से मध्यम धान उत्पादन तरफ आकर्षित भएक उन बताइन । गय साल से १५ दिन आगेन धान खरिद करय लागेक नेपालगञ्ज कार्यालय यस साल ४० हजार क्विन्टल खरिद करयक लक्ष्य लिहिस रहै । लेकिन मध्यम धान बिक्री करयक किसान कै चाप बढेक बाद खाद्य केन्द्रीय कार्यालय के सहमति मा और १५ हजार क्विन्टल मध्यम धान खरिद करयक ५५ हजार क्विन्टल कै लक्ष्य लिहिस रहै ।
