काठमाण्डू, २१ माघ: उपप्रधानमन्त्री एवं शहरी विकाश मन्त्री प्रकाशमान सिंह हुनकर निर्वाचन क्षेत्रके सामुदायिक विद्यालयसभके स्तर सुधारबाक प्रयासके सकारात्मक परिणाम आब देखा लागल बताैलैन अइछ।
आइ पद्मकन्या विद्याश्रम माध्यमिक विद्यालयके ७७म् वार्षिकोत्सव समारोहमे उपप्रधानमन्त्री सिंह काठमाण्डू क्षेत्र नं १मे रहल सामुदायिक विद्यालयसभद्वारा गुणस्तरीय शिक्षा प्रदान करबाक सफलतामे खुशी व्यक्त केलैन।
ओ कहलैथ जे २०६४ सालमे संविधानसभा चुनावमे काठमाण्डू–१ सँ निर्वाचित भेलाके बादसँ ओ सामुदायिक विद्यालयसभके भौतिक संरचना एवं शैक्षिक गुणस्तर सुधारमे विशेष धीयान द रहल छैथ।
“काठमाण्डू-१ के सब सामुदायिक विद्यालयके स्तर उन्नयन लेल तीनू स्तरके सरकार मिल क पूर्वाधार निर्माणमे प्रयास क रहल अइछ। हमर निर्वाचन क्षेत्रक सामुदायिक विद्यालय निजी विद्यालयसँ कम नै अइछ। आ नीक परिणाम देखलासँ बहुते खुशी भेल छी,” ओ कहलैथ।
उपप्रधानमन्त्री सिंह जनप्रतिनिधिके रूपमे ओ सामुदायिक विद्यालयके आओर प्रभावी बनेबाक दिशामे आवश्यक भूमिका निभेबाक प्रतिबद्धता व्यक्त केलैथ। ओ गुणस्तरीय शिक्षाके सङ-सङ अतिरिक्त क्रियाकलापमे सेहो सामुदायिक विद्यालयक विद्यार्थीसभ उत्तम प्रदर्शन क रहल बताैलैन । ओ कहलैथ जे विद्यालयसभके आओर नीक बनेबाक लेल निर्वाचित संघ, प्रदेश आ स्थानीय तहके जनप्रतिनिधिसभ मिल काज क रहल छै ।