जेष्ठ २९, २०८२
काठमाडौँ — प्रमुख प्रतिपक्षी दल माओवादीका नेता पुष्पकमल दाहाल र एकीकृत समाजवादीका अध्यक्ष माधवकुमार नेपालबीच सिंहदरबारमा भेटवार्ता भएको छ । दुवै विपक्षी नेताबीच संसद्मा जारी अवरोधका विषयमा छलफल भएको थियो ।
छलफल सकिएपछि अहिले संसद् भवनमा विपक्षी दलको बैठक बसिरहेको छ ।
भिजिट भिसा प्रकरणलाई लिएर विपक्षी दलहरू गृहमन्त्री रमेश लेखकले राजीनामा दिएर छानबिनमा सघाउनुपर्ने माग राख्दै आएका छन् । बजेट प्रस्तुतबाहेक जेठ १३ देखि प्रतिनिधिसभा बैठक निरन्तर अवरुद्ध भइरहेको छ ।
