काठमाडौँ — अमेरिकी राष्ट्रपति डोनाल्ड ट्रम्पले युद्धविरामको दाबी गरेपछि पनि इरान–इजरायलबीच युद्ध जारी छ ।
न्युयोर्क टाइम्सका अनुसार ट्रम्पको घोषणाको तीन घण्टापछि इजरायलले इरानमा नयाँ आक्रमण गरेको छ ।
यता इरानका विदेशमन्त्री अब्बास अरागचीले पनि नेपाली समयअनुसार बिहान ७ बजेसम्म इरानी सैनिक युद्ध लडिरहेको बताएका छन् ।
इजरायली सेनाका अनुसार इरानले इजरायलमा ब्यालेस्टिक मिसाइल आक्रमण गरेको छ । हाल यस आक्रमणमा कुनै क्षतिको जानकारी दिइएको छैन । इजरायल सरकराले फेरि एकपटक नागरिकलाई आक्रमणको अलर्ट पठाएको छ ।
इजरायलको राजधानी तेल अविवमा सरकारका तर्फबाट आक्रमणको सूचना पठाउँदै साइरन बजाइएको छ ।
