Author: review khabar

श्रावण २३, २०८२ काठमाडौँ — कार्यवाहक प्रधानमन्त्री एवं सहरी विकासमन्त्री प्रकाशमान सिंहले सिंहदरबारभित्र निर्माणाधीन संघीय संसद् भवनको काममा विगतका कमीकमजोरी दोहोरिन नदिने गरी काम भइरहेको बताएका छन् । संघीय संसद्को राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समितिको बैठकमा सिंहदरबारस्थित निर्माणाधीन संघीय संसद् भवन निर्माणको हालको कार्यतालिका र सो कार्यतालिका कार्यान्वयन सुनिश्चित गर्ने मन्त्रालयको तयारी सम्बन्धमा आज भएको छलफलका क्रममा कार्यवाहक प्रधानमन्त्री सिंहले समयमै काम सक्न निर्माणमा संलग्न व्यवसायीलाई निर्देशन दिए । समितिका सदस्यहरुले उठाएका जिज्ञासाको जवाफ दिँदै कार्यवाहक प्रधानमन्त्री सिंहले नयाँ संसद् भवन निर्माणको काममा लापरवाही गर्ने सरोकारवाला निकायको पटक–पटक ध्यानाकर्षण गराइएको जानकारी दिए । थप गरिएक...

काठमाडौँ — नेपालले यू–२० एएफसी एसियन कप छनोटमा शुक्रबार साउदी अरेबियालाई १–० ले हराएको छ र यो कठिन जित सावित भयो। सब्स्टिच्युट सुक्रिया मियाँले खेलको ९० औं मिनेटमा निर्णायक गोल गरिन्। पेनाल्टी एरियामा अनमार्क रहेकी सुक्रियाले खेलको एक मात्र गोल गरिन् । भुटानको थिम्पुस्थित चाङलिमिथाङ रंगशालामा भएको खेलको यो नतिजापछि नेपालको छनोट सम्भावना कायम रह्यो, तर यो सम्भावना आफैँमा कठिन भने रहेको छ। अब नेपालको तेस्रो तथा अन्तिम खेल उत्तर कोरियाविरुद्ध रहेको छ । यो जितपछि नेपालको दुई खेलबाट चार अंक भएको छ । लगातार दोस्रो हारपछि साउदी अरेबिया शून्य अंकमै रह्यो । नेपालले यसअघि भुटानसँग पनि बराबरी खेलेको थियो । भुटानको एक अंक रहेको छ । शुक्रबारकै दोस्रो खेलमा उत्तर कोरियाले भुटानको सामना गर्नेछ र उसको तीन अंक छ । त्यसमा जित निकाल्दै बलियो उत्तर कोरियाले आफ्नो छनोट सम्भावना बलियो बनाउन सक्नेछ ...

श्रावण ११, २०८२ बुटवल — लुम्बिनीका मुख्यमन्त्री चेतनारायण आचार्यले मन्त्रिपरिषद् बिस्तार गरेका छन् । उनले खाली रहेको युवा तथा खेलकुद मन्त्रीमा लोसपाका संसदीय दलका नेता सन्तोषकुमार पाण्डेलाई आइतबार नियुक्त गरेका हुन् । योसँगै लुम्बिनी प्रदेश सरकारमा उनी चौथो पटक मन्त्री बन्ने भएका छन् । पाण्डे यसअघि आन्तरिक मामिला तथा कानुनमन्त्री भएका थिए । पटक–पटक मन्त्री भएका पाण्डेले कांग्रेस–एमाले गठबन्धनको अहिलेको सरकारले ल्याएको बजेट पारित गर्न सहयोग गरेका थिए । बजेट पारित गर्ने समयमा प्रमुख प्रतिपक्ष दलसहित विपक्षी दलहरुले प्रदेश सभा बैठक बहिष्कार गरेपछि सत्ता पक्षमै रहेको लोसपा एकाएक विपक्षीमा पुगेको थियो । त्यतिबेलै कांग्रेस एमालेले पाण्डेलाई मन्त्री बनाउने सहमति गरेर सरकारलाई दिएको समर्थन फिर्ता गराएर विपक्षमा बस्न लगाएका थिए । तिनै पाण्डे अहिले युवा तथा खेलकुद ...

काठमाडौँ — पूर्वप्रधानमन्त्री एवं नेपाली कांग्रेसका सभापति शेरबहादुर देउवाले कृत्रिम बौद्धिकता (एआई) केवल भविष्यको सपना मात्रै नभई वर्तमानको आवश्यकता भएको बताएका छन् । नेपाली कांग्रेसको विज्ञान तथा सूचना प्रविधि विभागद्वारा पार्टीको केन्द्रीय कार्यालयमा आयोजित ‘नेपालको विकासका लागि कृतिम बौद्धिकता समग्र विश्लेषण’ विषयक कार्यक्रममा उनले सूचना प्रविधिले जनतालाई छिटो, सजिलो र पारदर्शी ढङ्गले सेवा दिन उल्लेखनीय भूमिका खेलिरहेको बताए । सभापति देउवाले भने, 'आजको युग विज्ञान र प्रविधिको युग हो, एआई अब केवल भविष्यको सपना होइन, यो अहिलेको आवश्यकता हो । हामीले यसको प्रयोग शिक्षा, स्वास्थ्य, कृषि, पूर्वाधार, रोजगारी तथा सार्वजनिक सेवा प्रवाहमा जिम्मेवार र प्रभावकारी रूपमा गर्न आवश्यक छ ।' उनले घर–घरमा इन्टरनेटको पहुँच, मोबाइल बैंकिङ, अनलाइन फाराम, डिजिटल स्वास्थ्य सेवा तथा डिजिटल शिक्षा ...

प्रधानमन्त्री केपी शर्मा ओली भारत भ्रमणमा: सन्तुलित विदेशनीतिका संकेत काठमाडौं, साउन ८ –नेपालका प्रधानमन्त्री केपी शर्मा ओली १४ महिनापछि भारत भ्रमणमा जान लागेका छन्। यो भ्रमण भारतीय प्रधानमन्त्री नरेन्द्र मोदीको जन्मदिनको अवसर पारेर भदौ २७ गते (सेप्टेम्बर १७) मा तय भएको बताइएको छ। यस भ्रमणलाई क्षेत्रीय कूटनीति सन्तुलनका हिसाबले विशेष महत्वका साथ हेरिएको छ।  भ्रमणको पृष्ठभूमि प्रधानमन्त्री ओलीले केही साताअघि मात्रै चीनका राष्ट्रपति सी जिनपिङसँग भेटवार्ता गरेका थिए। त्यस लगत्तै भारत भ्रमण तय हुनु नेपालले आफ्नो विदेश नीति सन्तुलित बनाउन खोजेको स्पष्ट संकेतका रूपमा लिइएको छ। नेपाल–भारत सम्बन्ध पछिल्ला केही वर्षदेखि उतारचढावपूर्ण रहँदै आएको छ। कालापानी, लिपुलेक लगायतका सीमाविवाद, र भारतीय नाकाबन्दीपछि दुई देशबीचको सम्बन्धमा तनाव आएको थियो। तर हाल प्रधानमन्त्री ओलीको भ्रमणले सम्बन्ध सुधारतर्...

वालिङ (स्याङ्जा), ६ साउन गल्याङ नगरपालिका–७ स्थित धार्मिक एवम् पर्यटकीयस्थल केदारनाथसम्म पुग्न पदमार्ग निर्माण गरिएको छ । गल्याङ–८ चिउरीस्थित सुनौली–पोखरा जोड्ने सिद्धार्थ राजमार्गबाट केदारनाथ मन्दिरलाई जोड्ने गरी पदमार्ग निर्माण गरिएको हो । अग्लो पहाडमा अवस्थित केदारनाथ मन्दिरसम्म दर्शनार्थीको सहजताका लागि गल्याङ नगरपालिकाले पदमार्ग निर्माण गरेको हो । दर्शनार्थीलाई आवतजावत गर्न सहज होस् भन्ने उद्देश्यले पदमार्ग निर्माण गरिएको पदमार्ग निर्माण समितिका अध्यक्ष टुकराज पाठकले बताउनुभयो । नगरपालिकाले पदमार्ग निर्माण गर्न आर्थिक वर्ष २०८०/८१ मा रु १० लाख र आव २०८१/८२ मा रु दश लाख विनियोजन गरेको उहाँले बताउनुभयो । विनियोजित बजेटबाट ३८५ मिटर लामो पदमार्ग निर्माण गरिएको छ । मन्दिरसम्म पुग्न स्टिलको रेलिङ समेत जडान गरिएको छ । सुनौली–पोखरा सिद्धार्थ राजमार्गमा यात्रा गर्ने भारतीय पर्यटकलाई सम...

काठमाडौँ, ५ साउन उपप्रधानमन्त्री एवं अर्थमन्त्री विष्णुप्रसाद पौडेल र चीनको अन्तरराष्ट्रिय विकास सहायता नियोग (सिड्का) का अध्यक्ष चेन सियाओदोङ्ग नेतृत्वको प्रतिनिधिमण्डलबीच भेटवार्ता भएको छ । आज अर्थ मन्त्रालयमा भएको भेटवार्तामा नेपाल र चीन बीचको द्विपक्षीय सम्बन्धलगायत विकास साझेदारी, चीनको सहयोगमा सञ्चालित र आगामी दिनमा सञ्चालन हुने परियोजनाहरूका बारेमा छलफल भएको अर्थमन्त्री पौडेलको सचिवालयले जनाएको छ । द्विपक्षीय भेटवार्तासँगै विभिन्न चार वटा परियोजनाका लागि समझदारी पत्रमा हस्ताक्षर भएको छ । चितवनको भरतपुरस्थित बिपी कोइराला मेमोरियल क्यान्सर अस्पातालमा बोनम्यारो ट्रान्सप्लान्टशन निर्माणसम्बन्धी परियोजना र निजामती कर्मचारी अस्पातालको विस्तार गर्न सम्भाव्यता अध्ययन गर्नेसम्बन्धी समझदारी पत्रमा हस्ताक्षर भएको जनाइएको छ । जसमा नेपालको तर्फबाट अर्थ सचिव घनश्याम उपाध्याय र चीनको तर्...