अन्तर्राष्ट्रिय

असार २, २०८२ काठमाडौँ — परराष्ट्रमन्त्री आरजु राणा देउवाले केही दिनयतादेखि इजरायल र इरानबीच सुरु भएको युद्ध र पछिल्लो समय यसबाट विकसित परिस्थितिका बारेमा नेपालका लागि इजरायली राजदूत स्मुलिम एरी बाससँग जानकारी लिएकी छिन् ।   सोमबार परराष्ट्र मन्त्रालयमा मन्त्री राणासँग राजदूत बासले इजरायल र इरानबीचको पछिल्लो द्वन्द्व र त्यहाँको पछिल्लो अवस्थाका बारेमा जानकारी गराएका थिए । मन्त्री राणाले त्यहाँ रहेका नेपालीहरुको अवस्थाका बारेमा जानकारी लिँदै उनीहरूलाई पर्न सक्ने आवश्यक सहायता र सुरक्षित अवस्थाका लागि राजदूत बासमार्फत् इजरायल सरकारलाई आग्रह गरेकी थिइन् । राजदूत बासले इजरायलका रहेका सबै नेपाली सुरक्षित रहेको बताएका थिए । आइतबार मात्र परराष्ट्र मन्त्रालयले विज्ञप्ति प्रकाशन गरेर इजरायल र इरानमा रहेका नेपालीहरु सुरक्षित रहेको जानकारी गराएको थियो । पछिल्ला केही दिन इरा...

बिहीबार, जेठ २९, २०८२ काठमाडौँ । भारतीय प्रधानमन्त्री नरेन्द्र मोदीले अहमदाबादमा भएको विमान दुर्घटनाले स्तब्ध र दुःखी भएको बताएका छन् । मोदीले सामाजिक सञ्जालमा लेख्दै यो दुर्घटना हृदयविदारक रहेको र यसलाई शब्दमा वर्णन गर्न नसकिने बताएका छन् । उनले भनेका छन्- 'यो हृदयविदारक छ, जसलाई शब्दमा वर्णन गर्न सकिँदैन । यस दुःखको घडीमा, यसबाट प्रभावित सबैप्रति मेरो समवेदना छ । म दुर्घटनाबाट प्रभावितहरूलाई सहयोग गर्न संलग्न मन्त्रीहरू र अधिकारीहरूसँग सम्पर्कमा छु ।' एयर इन्डियाको उडान नम्बर एआई-१७१ विहिबार दिउँसो भारतीय समय अनुसार १.३८ बजे उडान भरेको दुई मिनेट पछि नै दुर्घटनाग्रस्त भएको थियो । लन्डन जादै गरेको सो विमानमा भारतको गुजरातका पूर्व मुख्यमन्त्री विजय रुपाणीसहित २४२ यात्रु सवार रहेका थिए । विमानमा १६९ भारतीय, ५३ बेलायती, सात ...

जेष्ठ २८, २०८२ काठमाडौँ — राष्ट्रपति ट्रम्प र एलोन मस्कले गत साता सामाजिक सञ्जालमा एकअर्काको कडा आलोचना गरे । ट्रम्पले आफ्ना पूर्व सल्लाहकारसँगको सम्बन्ध सुधार गर्न कुनै चासो नभएको पनि बताए ।   इलन मस्कले बुधबार बिहान आफ्नै स्वामित्वमा रहेको सामाजिक सञ्जाल ‘एक्स’ मा लेख्दै गत साता राष्ट्रपति डोनाल्ड ट्रम्पको बारेमा आफ्ना केही पोस्ट र टिप्पणीहरूमा ‘पश्चाताप’ गरेका छन् । मस्कले राष्ट्रपति ट्रम्पका विरोधमा श्रृंखलाबद्ध रूपमा एक्समा लेखेपछि ट्रम्पले पनि त्यसको कडा जवाफ दिएका थिए । मस्कले बुधबार आफ्नो प्लेटफर्ममा ट्रम्पका बारेमा उनका केही पोस्टहरू ‘धेरै टाढा पुगेको’ उल्लेख गरेका छन् । विश्वका सबैभन्दा धनी व्यक्ति मस्क, एक समय राष्ट्रपतिका निकटतम सल्लाहकारहरूमध्ये एक थिए, जसले सरकारी खर्चका साथै संघीय कर्मचारी घटाउने प्रयास ‘डज’को सुपरिवेक्षण गरिरहेका थिए । तर, टेस्ल...

जेष्ठ २८, २०८२ काठमाडौँ — सिरियाले सामुन्द्रिक किनारमा जाँदा महिलाहरूले लगाउने पोसाकसम्बन्धी निर्देशिका जारी गरेको छ । यो निर्देशिकाले महिलालाई समुन्द्री किनारमा जाँदा पनि बुर्का वा पूरै शरीर ढाकिने कपडा लगाउन अनिवार्य गरेको हो ।   गत वर्षको मंसिरमा राजधानी दमास्कस कब्जा गरेपछि राष्ट्रपति बसर अल असदले देश छाडेर भागेका थिए । दमास्कस आफ्नो कब्जामा आएपछि विद्रोही समूह हयात तहरिर अल सामले नयाँ नेतृत्व सम्हालेको थियो । नयाँ सरकारले जारी गरेको यस्तो निर्देशिकालाई अन्तर्राष्ट्रिय संचारमाध्यम सीएनएनले सिरियामा देखिएको पछिल्लो 'कल्चरल सिफ्ट' भनेर टिप्पणी गरेको छ । पर्यटन मन्त्रालयले भने निर्देशिकालाई सार्वजनिक हितमा जारी गरिएको भनेको छ । पर्यटनमन्त्री माजेन अल-सल्हानीले सामाजिक संजाल फेसबुकमा 'स्थानीय हुन् वा विदेशी पर्यटक- उनीहरूले समाजका विभिन्न तप्काको संवेदनशीलता र आममानिसक...

जेष्ठ २८, २०८२ अमेरिका — अमेरिकाको लस एन्जलसमा आप्रवासन छापामारीलाई लिएर विरोध प्रदर्शन र हिंसापछि पक्राउ गर्न थालिएको छ ।   शहरको मुख्य क्षेत्रमा भारी संख्यामा सुरक्षा बल तैनाथ गरिएकफ छ । कर्फ्यू उल्लंघन गरेको आरोपमा दर्जनौं प्रदर्शनकारीई पक्राउ गरिएको अन्तर्राष्ट्रिय समाचार संस्था बीबीसीले जनाएको छ । यद्दपि सडकमा यूएस मरीन या नेशनल गार्डका सैनिकको उपस्थिति भने देखिएको छैन । हाल फेडरल ट्र्प्सको तैनाथी विवादास्पद छ । प्रदर्शनकारीलाई पक्राउ गर्दा उनीहरुलाई देखिएको छैन । एलएल प्रहरी विभागका अनुसार लस एन्जलसका कैयौं क्षेत्रमा कर्फ्यू लगाइएको छ । ठूलो संख्यामा पक्राउ अभियान चलाइएको प्रहरीले जनाएको छ । एलए प्रहरीले सामाजिक सञ्जाल एक्समा एक पोस्ट गर्दै भनेको छ, ‘स्प्रिङ्ग र अल्मेडाको बीचमा एक स्ट्रिडमा कैयौं मानिसहरु समूहमा जम्मा भएका छन् ।’...

काठमाडौँ, २८ जेठ ‘हरेक दिन खेल रोजौँ’ भन्ने नाराका साथ आज विश्वभर अन्तरराष्ट्रिय खेल दिवस मनाइँदैछ । यस दिवसका अवसरमा खेललाई बालबालिकाको समग्र विकासको मेरुदण्डका रूपमा स्वीकार्दै त्यसको प्रवर्द्धन, संरक्षण र प्राथमिकता दिन सबै सरोकारवालालाई आह्वान गरिन्छ । खेल केवल मनोरञ्जन मात्र नभई, सबै उमेर समूहका मानिसहरूबीचको साझा भाषा भएको हो । यसले सामाजिक समावेशीकरण, मानसिक स्वास्थ्यलाई प्रवर्द्धन गर्छ । अझ बालबालिकाका लागि खेलले विशेष गरी सम्बन्ध निर्माण, समस्या समाधान र विभिन्न सीप विकासमा महत्वपूर्ण भूमिका खेल्छ । संयुक्त राष्ट्रसङ्घको बालअधिकारसम्बन्धी महासन्धिको अनुच्छेद ३१ अनुसार, खेललाई प्रत्येक बालबालिकाको आधारभूत अधिकारको रुपमा मानिएको छ । शिक्षा प्रणालीमा खेलमूलक शिक्षाले सिकाइ प्रक्रियालाई थप प्रभावकारी बनाएको प्रमाणित भएको छ ।...

पाकिस्तानले यस वर्षको सङ्घीय बजेटमार्फत रक्षा खर्चमा २० प्रतिशतले वृद्धि गर्ने घोषणा गरेको छ । यो निर्णय भारतसँगको पछिल्लो महिनाको तनावपूर्ण संघर्षपछि आएको हो, जुन पछिल्ला दशकहरूमध्ये सबैभन्दा हिंसात्मक रहेको बताइएको छ । मे महिनामा भएका चार दिन लामो द्वन्द्वमा दुबै आणविक शक्तिहरूबीच भिडन्त हुँदा ७० जनाभन्दा बढीको ज्यान गएको थियो । त्यसपछिमात्र युद्धविरामको घोषणा गरिएको थियो । मंगलबार साँझ संसदमा बजेट प्रस्तुत गर्दै अर्थमन्त्री मोहम्मद औरंगजेबले कुल ६२ अर्ब अमेरिकी डलर बराबरको बजेट प्रस्तुत गर्नुभयो, जसको करिब १४ प्रतिशत भाग सैनिक खर्चका लागि छुट्याइएको छ । यो अघिल्लो वर्षको २.१२ ट्रिलियन पाकिस्तानी रुपैयाँ (झन्डै ७.५ अर्ब डलर) बाट बढेर यस वर्ष २.५५ ट्रिलियन रुपैयाँ पुग्नेछ । यसअघि सरकारद्वारा सामाजिक सञ्जालमार्फत चीनबाट ४० वटा नयाँ लडाकु विमान र हवाई सुरक्षा प्रणाली खरिदको वार्ता भइरहेक...

काठमाडौँ, २८ जेठः नेपाल राष्ट्र बैङ्कले बुधबारका लागि विदेशी मुद्राको विनिमय दर निर्धारण गरेको छ । राष्ट्र बैङ्कका अनुसार अमेरिकी डलर एकको खरिददर १३६ रुपैयाँ ६७ पैसा र बिक्रीदर १३७ रुपैयाँ २७ पैसा निर्धारण गरिएको छ । युरोपियन युरो एकको खरिददर १५६ रुपैयाँ १५ पैसा र बिक्रीदर १५६ रुपैयाँ ८४ पैसा, युके पाउण्ड स्ट्रलिङ एकको खरिददर १८४ रुपैयाँ ४७ पैसा र बिक्रीदर १८५ रुपैयाँ २८ पैसा, स्वीस फ्रयाङ्क एकको खरिददर १६६ रुपैयाँ ४२ पैसा र बिक्रीदर १६७ रुपैयाँ १५ पैसा कायम गरिएको छ । अष्ट्रेलियन डलर एकको खरिददर ८९ रुपैयाँ ०६ पैसा र बिक्रीदर ८९ रुपैयाँ ४५ पैसा, क्यानेडियन डलर एकको खरिददर ९९ रुपैयाँ ८४ पैसा र बिक्रीदर १०० रुपैयाँ २७ पैसा, सिङ्गापुर डलर एकको खरिददर १०६ रुपैयाँ २९ पैसा र बिक्रीदर १०६ रुपैयाँ ७६ पैसा तोकिएको छ । जापानी येन १० को खरिददर नौ रुपैयाँ ४५ पैसा र बिक्रीदर नौ रुपैयाँ ५० पैसा, च...